A tori fu  Odú kwataki bi de a bimba tála

 

verkleint 30juni13

 

Den bigi sma  leri unu lespeki yu biki sma sani, bika a no te notu de da we kari den fu kon yepi. Te mama e bari yu, yu'm jere te papa e bari yu yu'm jere. Ma ten anga ten pikien ne yere. San naf unu naf unu ma we seri un bigi sma sani fu tra sani miki tide unu no mang ankra na fasi fa unu mus ankra.

A tori fu  Odú kwataki bi de a bimba tála na wan tori sa e leri unu fa pikien mus lespeki den gran wan.  Ini wan ten Anana seni den boskopu mang fu tyari wan boskopu gi den jongu wan sobun den pikien  tapu grontapu. A boskopu ben de dati den jongu wan sobun den pikien, mus ben kiri den mama anga den papa. So dati den ben mang de basi fu a grontapu.

Sa den pikien no ben grabu dati na tisi Anana ben tisi den. Ma di den pikien  ben gi arki na boskopu san den boskopu man ben tjari kon. So den opo kiri den mama anga den papa.

Wan fu den pikien no ben arki, a dati tiki eng mama anga papa en kibri den ini wan olo ini wan busi. Ini a olo a miki wan oso gi den. Alla dej a ben tjari njang anga dringi gi den.

Wan dej Anana firi fu tisi den pikien baka. A seni wan fu den boskopu mang go na grontapu, anga a boskopu dati den pikien mus brej wan tetej fu santi. Den pikien broko den ede fa, fa wo brej wan tetej fu santi.

A wan pikien sa ben kibri en sorgu eng papa anga mama, waka go aksi den bigi sma fu eng.

"Pa, Ma"!! wan bigi boskopu mang fu Gado kon anga wan aksi, a aksi de dati un brej wan tetej fu santi. Mi broko mi ede ma mi no man doro fu brej so wan sani. Fudati mi kon aksi unu fu jepi mi. Mi luku unu di alla den trawan kiri den bigi sma, ma mi luku unu en mi luku unu bun bun.

A mama piki eng pikien;  "We mi pikien da yu'm aksi yu pa".  "A papa taki we yu'm aksi yu ma".

Di a papa tak so da mama gromu a djeme taki mi tjari a boy negi mung, na yu pikien, mi no go waka tak dat a boy a no pikien. Dan tide di a kon anga a aksi da yu liki pa gi yu boy piki tapu a aksi.

A papa taki waka go meti a boskopu man dan aksi eng fu brej wan pikien pisi fu a tetej sodati yu mang see fa a tetej mus de.

Di a tak so anga a boskopu man, a boskopu mang tjari a boskopu baka gi a Anana. We Anana taki efu a pikien takso da a mus fu abing bigi sma sa e yepi eng. Anana saka kon na grontapu anga den boskopu mang, da a seni den boskopu mang fu go kari a wan pikien sa ben abi eng bigi sma ete. Di a pikien doro da Anana taki "we yu na wan koni pikien tyari yu bigi sma kong gi mi."

A pikien long go na a presi pe a ben kibri eng bigi sma, di a doro a Ma ben krej bika a ben frede dati Anana bo strafu den fu di a pikien no ben kiri den. A papa taki: " yu nafu frede a bigi Gado na wan bun Gado". Di den doro fesi Anana da Anana taki.........Den san no abi bigi sma un kon knapu na dis sej dati ben de a sej pe a son a saka. Baka dati a kari a pikien anga eng bigi sma fu kon knapu na a sej pe a son e opo. Anana miki wan sani anga eng anu ini a sej pe den pikien ben knapu sondru bigi sma......di a kba alla den pikien ben gwe.

 

 

Wordt vervolgt......